NYOTA ELIMU ILIYOUTEKA ULIMWENGU

Elimu kuhusu nyota ni elimu kongwe zaidi katika historia ila kwa wengi imeanza kusahaulika, elimu hii haifundishwi shuleni/vyuoni kwa upana mkubwa hivyo hupelekea maswali mengi yanayokosa majibu siku hadi siku. Wengi wameitumia elimu hii vibaya kwa kuwadanganya mamilioni ya watu kukiamini kile walichokikusudia wao wenyewe. Ni ajabu sana kama tukikaa kimya pasipo kuangazia ukweli wa kila jambo linalotutatiza.

Katika kitabu hichi utakwenda kujifunza mambo mbalimbali kuhusu nyota, utapata kufahamu chanzo halisi cha elimu hii na uamshwaji wa kiteknolojia uliochochewa kwa  chunguzi  zilizofanywa  na  watu  maarufu  wenye ubobezi wa elimu hii ya nyota.

Katika Maandiko Matakatifu tumejifunza mambo mbalimbali kuhusu uumbaji. Wengi wetu tunamuamini Mungu kama Muumbaji wa Ulimwengu, ila kuna baadhi wameenda  mbali  kutumia  matokeo  ya  kilichoumbwa kama    Mbadala    wa    muumbaji    mwenyewe,    hivyo tutakwenda    kuangazia    kila    mahali    kuhusu    kile wanachokiamini na uhalisia uliopo ambao unatokana na matokeo ya kifikra.

Katika  kitabu  hiki  utakwenda  kufahamu  dadisi mbalimbali zilizofanyika kama tujuavyo udadisi ni sifa ya kipekee aliyoumbwa nayo binadamu ambayo imepelekea ufanyikaji   wa   mambo   makubwa   zaidi   na   ambayo hayakutegemewa kama yatakuja kufanyika. Sasa chanzo cha  dadisi  hizo  ni  matokeo  ya  kuwepo  kwa  nyota tunazoziona angani kila usiku.

Ushawahi  kusikia  habari  za  kusafisha  nyota? Kuibiwa  nyota?  au  pengine  ushawahi  kwenda  kupata huduma  hizo  mahali  fulani?  au  pengine  wewe  ni mfuatiliaji mkubwa wa magazeti yanayochapisha habari za ijue nyota yako? Katika kitabu hichi tumeangazia kila sehemu  kuhusu  mafundisho  hayo, chanzo  chake  na utimilifu  wake,  utabaki  mdomo  wazi  na  kushangazwa katika kujua ni nani yuko nyuma ya mambo haya yote? 

Nikukaribishe katika usomaji wa kitabu hiki.

Usomaji Mwema.

Mwandishi